Арьсаа арчлах дэс дараалал

Арьсаа арчлах дэс дараалал
Өглөө: Идэвхтэй чийгшүүлэгч агуулсан өдрийн тосыг нүүрний арьс, зовхи, хүзүүндээ түрхээрэй. Арьсны усны тэнцвэрийг сэргээж өгнө.


Өдөр: Салхитай халуун өдөр нүүрний арьсыг косметик мини-спрей буюу шүршигч усан дуслууд нь таны арьсны цангааг хоромхон зуур тайлж цусан хангамж, тэжээлийг сайжруулж нүүрний булчинг бэхжүүлдэг. Өдрийн туршид арьсыг тусгай лосьон, сальфетикний тусламжтайгаар цэвэрлэж чийгшүүлээрэй. Сэргээж цэвэрлэсний дараа хөнгөн будалт тавьж болно.

Орой: Ачаалал ихтэй халуун өдрийн дараа арьсаа амраахын тулд унтхынхаа өмнө тайвшруулах болон чийгшүүлэх үйлчилгээтэй сүүн шингэнээр нүүрээ арчлаарай. Унтахдаа тэжээлийн болон чийгшүүлэгч чанарыг хослуулсан шөнийн тусгай крем түрхээрэй. Өглөө арьс өнгөлөг, сэргэг харагдах болно.

Янз бүрийн гоо сайхны зориулалттай бүтээгдэхүүнээс бүсгүй та доорх бүтээгдэхүүнийг өөртөө заавал байлгаж хэвшээрэй.

1. Шингэн саван: Аль болох байгалийн гаралтайг сонго. Ийм саван нь хатуу саванг бодвол нүүрний арьсыг илүү гүн цэвэрлэдэгээрээ тустай. Ялангуяа тослог холимог арьстай эмэгтэйчүүдэд шингэн саван тохирно.

2. Угаагч хөөс: Нүүрний арьсыг гүн, бүрэн гүйцэд сайн цэвэрлэнэ. Угаагч хөөс нь ямар ч арьсанд тохирох боловч хэвийн болон тослог арьсанд бүр ч илүү тохирно.

3. Угаагч гель: Угаагч гель нь жирийн ба тослог арьсанд зориулсан гэх мэт янз бүр байдаг. Энэхүү гель нь устай холиход багахан хөөсөнцөр үүсгэх бөгөөд усаар зайлж цэвэрлэнэ. Угаасны дараа таны арьс булбарай зөөлөн болно.

4. Гуужуулагч: Та ямар ч арьстай байлаа гэсэн гуужуулагч хэрэглэх хэрэгтэй. Гуужуулагч нь арьсны эд эсийг сэргээж, үхмэл эвэршсэн хэсгийг арилгадаг онцлогтой. Долоо хоногт 1-2 удаа хэрэглэх нь зохимжтой.

5. Сүүн шингэн: Будаг косметикийг арилгахад спиртлэг лосьон, ханд зэрэг нь арьсыг цочроодог тул сүүн шингэнийг хэрэглэх нь зөв сонголт юм. Сүүн шингэн болон өөр бусад байдлаар нүүрээ цэвэрлэсний дараа тоникоо нүүрэндээ түрхэх биш заавал хөвөнд шингээн зөөлөн арчиж байгаарай.

Гоо сайхандаа хүнсний сода ашиглах 6 жор

Гэртээ хүнсний содагүй айл гэж бараг байхгүй байх. Гэхдээ түүнийгээ байнга хэрэглэдэг нь хэд бол? Энэ нийтлэлийг бүтнээр нь уншиж дуусаад чи лав хүнсний соданы байнгын хэргэлэгч болох байх шүү.

1. Шүдний оо 
Эхлээд танан цагаан, эрүүл шүдтэй болгох хамгийн энгийн бөгөөд эрүүл оог өөрсөддөө бэлтгэцгээе.
Хэрхэн хийх вэ: Нэг удаа шүдээ угаах оотой ойролцоо хэмжээний сода аваад дээр нь устөрөгчийн хэт исэл нэмнэ. Устөрөгчийн хэмжээ нь 10 мл-ээс хэтрэхгүй байхад болох ба эмийн сангуудад зарагддаг байгаа. Үүнийгээ холиход өтгөвтөр цагаан зуурмаг бий болох ба үүгээр шүдээ угаавал танан цагаан болгоно. Гэхдээ байнга хэрэглэвэл шүдний пааланг гэмтээх аюултай учраас долоо хоногтоо 2-3 удаа түүгээрээ шүдээ угаахад хангалттай. Мөн залгиж болохгүй гэдгийг санаарай.

2. Арьсны бохирдлыг гүн цэвэрлэгч 
Хэрвээ чиний арьс эмзэгшээд худалдаж авсан цэвэрлэгч чинь тохирохгүй байгаа бол энэ жорыг туршаад үзээрэй.
Хэрхэн хийх вэ: Нэг удаа нүүрээ угаах хэмжээний багахан зуурмаг хийх ба зуурмагны ¼ нь ус ¾ нь сода байхаар хэмжиж нэг саванд хийгээд холино. Үүнийгээ хөвөнд шингээгээд арьсаа арчаад усаар зайлчихна. Уг зуурмагаар нүүрээ угааснаар арьс нь зөөлөн булбарай болж, нүүрэн дээрх батга,бохирдолыг цэвэрлэж өгнө.

3. Үнэр дарагч шингэн
Одоо үед хаанаас л бол хаанаас авж болох олон янзын үнэр дарагчийг бий болохоос өмнө алдарт хүнсний содыг ашиглан онцгүй үнэрийг дардаг байж. Зарим хүмүүст үнэр дарагчийн үнэр хэт хурц санагдаж, дотор муухайрах тохиолдол байдаг шүү дээ. Тэгэхээр чи тийм төрлийн хүн байгаад онцгүй үнэрийг дарах хэрэгтэй байгаа бол үүнийг туршаад үзээрэй.
Хэрхэн хийх вэ: Таггүй шилэн саванд 2 хоолны халбага сода дээрээсээ дурын essential oil буюу эфирийн тосноос 8-10 дуслыг хийгээд сэрээгээр хутгаарай. Эфирийн тосоо хийх төдийд л сайхан үнэр үнэртэх болно. Үүнийгээ таглалгүйгээр хүссэн газартаа тавиад ашиглаж болно.

4. Шампунь 
Хэрвээ чиний үс ойр ойрхон тослогтоод, амархан бохирдоод байдаг бол энэ шампунийг ашиглаад үзээрэй. Тослогоос болж үүссэн бохирдолыг нь гүн цэвэрлэж чадна.
Хэрхэн хийх вэ: Өөрийнхөө хэрэглэж байгаа дурын шампуниа ашиглаж болно. Үсээ угаахдаа нэг удаа хэрэглэх хэмжээний шампуниа тасдаж аваад дээрээс нь тал амны халбага сода нэмж хутгахад л шидэт шампунь маань бэлэн болно.

5. Наранд түлэгдсэн арьсыг эмчлэх 
Зун бүр арьс наранд түлэгдэх гэдэг асуудал үүсдэг. Арьсаа хурдан эдгээхийг хүсэж байвал үүнийг туршаад үзээрэй.
Хэрхэн хийх вэ: 1 литр цэвэр усан дээр 2 амны хамлбага сода хийгээд хутгана. Бэлдсэн уусмалдаа зөөлөн даавуу базаж аваад л түлэгдсэн газраа тавина. Ингээд даавуугаа хатаад ирмэгц нь ахиж уусмалдаа норгож байгаад тавиад байхад болно. Үр дүнд нь хууларч, холцруутсан арьс байвал хурдан төлжиж, улайж хорсож байвал өвдөлт нь намдах болно.

6. Ядарсан хөлөө амраах жор 
Өдөржин гадуур ажил хөөцөлдөөд эсвэл өсгийтэй гуталгай удаан явснаас хөөрхий хөл чинь “салж унах” гэж байна уу? Тэгвэл чамд бас л содатай ус хэрэг болно.
Хэрхэн хийх вэ: Хөлөө угаах халуун бүлээн ус бэлдэнэ. Усан дээрээс 2-3 халбага сода нэмнэ. Мөн дээрээс нь 4-5 дусал эфирийн тос нэмээд хутгана. Энэ усандаа хөлөө дүрээд 15-20 минут болоход л хөл чинь амраад зөөлөн болсон байх болно.

Чиний насанд аль нь тохирох вэ?

30 хүрчихсэн хэрнээ 20- тойдоо хэрэглэдэг байсан нөгөө л нэгшингэн энгэсэгтэйгээ яваа юм биш биз? 
Чи одоо хэдэн настай вэ? Чиний насанд ямар ямар шингэн энгэсэг тохирох вэ?

1. 20 – 27 нас
Үрчлээ, нөсөө толбоны сураг холуур сонсогдож байгаа энэ үед цэвэрхэн, нимгэн түрхэгддэг, тосны найрлага багатайшингэн энгэсэг хэрэглэх нь зүйтэй. Энэ нь арьсны чинь цэл залуу байгалийн үзэсгэлэнг гэрэлтүүлж, хамгаална. Харин энэ үед шингэн энгэсэг авахдаа “өө сайн дардаг” чанарыг нэгт тавиад хэрэггүй. Ганц нэг юм “далдлах” хэрэг гарвал энгэсгээ олон дахин давхарлахыг биш, өө дарагч хэрэглэхийг эрхэмлэж байгаарай. Шингэн энгэсгээр өөг дарвал тухайн хэсгийн арьсан дахь ачаалалыг л нэмэхээс өөр шидгүй. 
Нэмэлт зөвлөгөө: Нүүрээ угааж, чийгшүүлснийхээ дараа Т бүсийнхээ дагуу праймер түрхэж өгвөл өөгүй, цэвэрхэн арьстай харагдахад тустай. Учир нь праймер өөрөө тос уусгах зориулалттай байдаг. Мөн эртнээс арьсыг чинь будагны хорноос хамгаалж, үрчлээтэхээс сэргийлнэ.

2. 27 – 37 нас
Саяхнаас үүсч эхэлсэн зураасан үрчлээнүүдтэйгээ тэмцэх сэдэл өндөр байх үе. Яг одоо ямар шингэн энгэсэг хэрэглэвэл дээр вэ? 
Нарны хэт ягаан туяаны эртнээс нааш арьсанд чинь үйлдэж байсан хор хөнөөлүүд мэдрэгдэж эхэлнэ.Үүний үр дүнд арьсандаа өмнөхөөсөө арай илүүгээр бас арай өөрөөр санаа тавих хэрэгтэй болно. Одооноос үрчлээг бүдэгрүүлэх, эмчилгээний зориулалттай энгэсгүүд хэрэглэж эхлэхгүй бол оройтно шүү. 
Нэмэлт зөвлөгөө: Нүднийхээ эргэн тойронд силиконы агууламжтай праймер түрхэж эхлээрэй.

3. 37 – 45 нас
Энэ насан дээр ирэхэд бараг л бүх бүсгүйчүүд үрчлээтэйгээ эвлэрсэн байдаг. Насыг чинь илтгэх цөөн хэдэн толбо нүүрний чинь хаа нэгтээ үзэгдэж эхэлнэ. Яг одоо чиний шинээр санаа тавьж эхлэх ёстой нэг асуудал бол чийгшлийн алдагдал юм. Арьсны давхаргын чийгшил хадгалах бодисын ялгаралт нас ахих тусам багасаж улам хуурай, эмзэг болох магадлал өндөр. Тэгэхээр үүнийг бага ч гэсэн нөхөж чадах эсвэл чийгшлийг удаан барих зориулалттай бүтээгдэхүүн сонгох хэрэгтэй. 
Нэмэлт зөвлөгөө: Чийгшүүлэгч цацлагыг цүнхнээсээ огт салгаж болохгүй ба хуурай харагдсан, мэдрэгдсэн арьсныхаа бүх хэсэгт сэргээн цацаж, будалтаа үргэлж шинээр харагдуулахад анхаараарай.

4. 45- 50 нас
Энэ насанд бүсгүйчүүд нүүрний будалтаа өөрийн эрхгүй багасгаад эхэлдэг. Гэхдээ арьс арчилгаагаа хаяж огт болохгүй шүү. Харин шингэн энгэсгээ нимгэлж өө дарахаас илүү хамгаалах, гэгээлэг харагдуулах бүтээгдэхүүн сонговол сайн. Нунтаг энгэсэг ч байж болно. Эсвэл энгэсэгний оронд ийлдэс хэрэглэж ч бас болох юм. 
Нэмэлт зөвлөгөө: Нэлээд олноор тоологдох үрчлээ, арьсны уян хатан чанарын алдагдал зэргээс шалтгаалж хөгшрөлтийн эсрэг ийлдэсийг праймер шиг л өдөр бүр хэрэглэх хэрэгтэй шүү.

Нүдээ хэрхэн будах вэ?

Нүд будах аргуудаас

Давхраагүй болон жижигхэн давхраатай нүдийг будах арга

Давхраагүй болон жижигхэн давхраатай нүдийг будах арга 
Гоо сайхан |
 Нүдний будалтын хичээлүүд дээр үргэлж хүнхэр, давхраатай нүд харагдсаар байгаад давхраагүй эсвэл бараг л мэдэгдэхгүй жижигхэн давхраатай нүдтэй бид олон янзаар будаж турших талаар бодохоо ч больчихсон явдаг. Гэхдээ бидний нимгэн зовхитой, хаанаас нь ч харсан ази нүдэнд ч бас олон төрлийн сонирхолтой будалт хийж болно. Би өнөөдөр бяцхан хайгуул хийж давхраагүй болон жижигхэн давхраатай нүдийг будсан 13 төрлийн жишээг алхам алхамтай нь хамт цуглууллаа. Хадгалж аваад нэг нэгээр нь туршин өөрийнхөө цорын ганц нүдэнд тохирсон будалтыг олоорой.

Арьсаа арчлах зөвлөгөө

Гоо сайхны мэс засал хийхгүйгээр уруулыг хэрхэн дур булаам, зузаан болгох вэ?

Нас ахиад ирэхээр уруул хэлбэр, хэмжээгээ алдаж, уруул тодотгосон хүрээ нь алга болж эхэлдэг. Гэвч сандрах хэрэггүй. Учир нь үнэтэй гоо сайхны хэрэгсэл, гоо сайхны тариагүйгээр уруулыг урьдын хэвэнд нь оруулж болно. Бариа засалч Владимир Животовийн зөвлөж байгаа хялбар, үр дүнтэй аргыг танилцуулж байна. Энэхүү аргыг туршиж үзээд, үр дүнг нь өөрийн биеэр мэдрээрэй.

Яагаад уруул нимгэрдэг вэ? 

Насны эрхээр уруул алга болох үйл явц амны тойрог булчингийн ачааллаас болж үүсдэг. Ихэнхдээ туйлбартай, чин зоригтой хүмүүст энэ асуудал тулгардаг. Учир нь шүдээ зуухад бие дэх бүх булчингийн хальсны гинж чангарч эхэлдэг ба таныг эрүүгээ суллахад буцаад хэвийн болдог ажээ. Байнгын, архаг чангарлын үед амны тойрог булчингийн хэлбэр алдагдаж, ингэснээр уруул нимгэн болдог байна.  

 

Яагаад энэ дасгал үр дүнтэй вэ? 

Нимгэн уруулын асуудал ихэвчлэн булчингийн чангарал, ачаалалтай холбоотой. Хэрвээ нүүрний булчинд зөв нөлөөлж чадах юм бол хамгийн нимгэн уруулыг ч илүү зузаан, памбагар болгож болдог. Тиймээс тариа бол гоо сайхныг хадгалах цорын ганц арга зам биш.   

Юу хийх хэрэгтэй вэ? 

1. Долоовор болон дунд хуруугаа доод уруулынхаа доохон талд байрлуулаад, энэ хэсгийн доор байрлах эд эсүүд хэрхэн суларч, халж байгааг мэдрэхийг хичээгээрэй.

2. Инээмсэглэл «зурах». Өмнөх байрлалаас хуруугаараа зурагт үзүүлсний дагуу, завьжаа чиглүүлэн инээмсэглэл (smile) зураарай. Ингэхдээ 2 завьжаа бага зэрэг дээш татаж өгөх хэрэгтэй.

3. Өмнөхтэй адил үйлдлийг дээд урууландаа мөн давтана. Хөдөлгөөн хөндлөн чиглэлд байх ёстой.

4. Дээд болон доод урууландаа хэд хэдэн удаа давтана. Дасгал доод уруулын дасгалаар дуусна.

Энэ дасгалыг өдөр бүр хийснээр таны уруулын хэлбэр, хэмжээ, байгаа байдал мэдэгдэхүйц сайжирна.

Өөрийнхөө насанд тохирох үсний засалтыг сонгоцгооё

Тэвчээр зааж ургуулсан үсээ нэг л өдөр үсчинд очоод богинохон болгоод дахиад л тэвчээртэй хүлээж байж урт ургуулах – энэ тойрог хэзээ ч дуусахгүй. Зөвхөн урт үс л эмэгтэйлэг харагдуулдаг гэсэн ташаа ойлголтыг чадварлаг үсчид эвдэж чаджээ. Богино үс ямар ч насныханд тохирно гэдгийг та бүхэн дараах зургуудаас харна уу.

20+ нас

20 нас – өөрийн өнгө төрхийг олохын тулд зоригтой туршилт хийж болох нас. Этгээд өнгө, шулуун засалт, шаталсан тайралт эсвэл эльф загварын богино үс – залуу бүсгүйчүүдэд сонголт өргөн.   

30+ нас

30-аас дээш насныханд үсний засалт энгийн бөгөөд этгээд өнгөнөөс татгалзвал илүү тохиромжтой. Жижиг зөв нүүрний хэлбэртэй бол эрэгтэй жижиг халимаг тавьж болно, харин өтгөн үстэй бол урт, шулуунаар засуулбал илүү зохино. Стилистүүд үсний засалтаа байнга сольж байхыг зөвлөдөг бол имижээ барихыг зөвлөх ажээ.   

40+ нас

40 наснаас хойш эмэгтэйчүүд залуу харагдахыг хүсч эхэлдэг тул үсний засалт маш чухал үүрэгтэй. Үсээ багахан буржийлгасан тийм засалт сонгоорой, яагаад гэвэл хэт их ороосон үс нь нас нэмж харагдуулдаг. Бас хэт шулуун үснээс ч зайлсхийх хэрэгтэй. Бага зэргийн замбараагүй засалт илүү зохимжтой.

Эмэгтэй хүн бүрийн мэдэх ёстой нүд будах 5 үндсэн арга

Орчин үед нүд будах төрөл бүрийн арга техник гарч ирсэн. Гэхдээ бид та бүхэндээ мэргэжлийн нүүр будагчийн зөвлөсөн нүд будах энгийн, үндсэн 5 аргыг танилцуулахаар бэлдлээ.

1. Босоо арга

Энэхүү арга нь жижиг, онигор нүдэнд тохиромжтой бөгөөд нүдийг илүү өргөн, том харагдуулдаг. Нүдний будагны өнгөнөөс хамаарч өдөр эсвэд оройн будалтыг хийж болно. Эхлээд суурь нэг өнгөө түрхэнэ, дараа нь тод дүр төрхийг бий болгохын тулд үндсэн өнгөө түрхэх ба төгсгөл хэсэг рүү тод будна.

2. Хэвтээ арга

Бүлтгэр, дугуй нүдэнд тохирох ба нүдийг бүлтгэр харагдуулахгүйн тулд сунгаж будна. Будахдаа хэвтээ байрлалд, сүүдэрлэж будна. Ийм будалтанд контур тавих нь сайхан харагдуулдаг.   

3. Сонгодог арга

Энэ арга бол босоо болон хэвтээ аргыг хослуулан будах арга юм. Нэг өнгөөр сүүдэрлэж будах нь илүү тохиромжтой байдаг.   

4. Харандаан арга

Энэ аргын тусламжтайгаар нүдийг ямар ч хэлбэрт оруулж болдог. Нүдийг сүүдэрлэхийн тулд хатуу гадаргуутай, хатуу бүтэцтэй харандаа ашиглана. Харандаагаараа зурахдаа нүдний ясыг дагуулан зурах бөгөөд ингэж чадвал маш хялбараар маш гоёмсог нүдтэй болж чадна.   

5. Smoky eyes

Энэ аргын үндсэн зарчим нь нүдийг “smoky” харагдуулахад чиглэгдэх бөгөөд гөлгөр сүүдэр бүхий сүүдэрлэсэн төгсгөлтэй байх ёстой. Энэ будалт нь аль хэдийнээ үдшийн гол будалт байхаа больсон бөгөөд будахдаа өдрийн цагт бол бүдэг өнгө сонгож, гялалзсан нүдийг бий болгоорой. Ингэж будахаар шийдсэн бол тод уруулын будагнаас татгалзаарай.

Дэлхийн улс орнуудын эмэгтэйчүүдийн эрүүл, толигор арьстай байх 6 нууцаас

Дэлхийн бүхий л улс орны бүсгүйчүүд хэдэн зуун жилийн турш арьсаа төгс мэт өө сэвгүй байлгах гоо сайхны жорын эрэлд явсаар иржээ. Хамгийн гол нь арьсны залуу төрхийг хадгалж үлдэхэд оршино. Та бүхэнд танилцуулах гэж байгаа эдгээр жорууд энгийн хэдий ч үр дүн нь гайхалтай. Таны гоо сайхны арчилгааны салшгүй нэг хэсэг болно гэж найдаж байна.

Чили

Улаан усан үзэм нь арьсны өнгийг сэргээнэ. Чили бүсгүйчүүд улаан усан үзэмд агуулагдах антиоксидантын үйлчилгээнд итгэдэг. Улаан усан үзмээ хоёр хоолны халбага гурилтай хольж өтгөн зуурмаг бэлдэж нүүрэндээ 10 минут түрхэнэ. Цаг дууссаны дараа угаана. Энэ маскыг өглөөгүүр хийхийг зөвлөж байна.

Япон

Бага зэргийн матт болгох. Эрүүл арьс бага зэрэг л гялалздаг. Франц бүсгүйчүүд энэхүү байдлыг энгийн үзэгдэл гэж үзнэ. Нүүрэндээ байнга пудр түрхэх нь арьсны нүхийг бөглөж үрэвсэхэд хүргэх ажээ.

Нүүрний өдөр тутмын иллэг. Нүүрний арьсны уян хатан байдлыг хадгалж хүчилтөрөгчөөр хангана. Иллэгийг төрөл бүрийн тостой хольж хийж болно. Тосоо сонгохдоо та өөрийн арьсны онцлогтоо тохируулаарай. 

Будаагаар угаах. Нүүрний арьсыг сайтар цэвэрлэж коллаген ялгаруулалтад нөлөөлдөг. 

Будаагаар угаах: 

• Цагаан будаагаа кофе блендерт хийж нунтаглана. 
• Нунтагласан будаагаа бүлээн усаар зуурч цөцгий шиг өтгөн зуурмаг бэлдэнэ. 
• Чийгтэй арьсан дээрээ зуурмагаа түрхээд зөөлөн иллэг хийнэ. 
• Дараа нь усаар сайтар угаана.

Испани

Төмс нүдний хөх толбыг арилгана. Төмсөө нимгэн хэрчээд аньсан нүдэн дээрээ 10 минут тавина.

Турк

• Хашаар иллэг хийх. Хашаар иллэг хийх нь нүүрний арьсны цусан хангамжийг сайжруулна. 
• Айвагийн лосьон болон маск. Нүүрний илүүдэл тосыг гайхалтай цэвэрлэнэ. 

Маскны жор. Айва жимсийг жижиг ширхэгтэй үрэгчээр үрээд дээрээс нь өндөгний цагаан хийнэ. Нүүрэндээ иллэг хийж түрхээд 10 минут байлгаарай. Дараа нь усаар сайтар угаана. 

Лосьоны жор. Айваг мөн л жижиг ширхэгтэй үрэгчээр үрээд шүүсийг нь авна. Шүүсээр нь өглөө, оройдоо нүүрээ арчиж цэвэрлэнэ.

 

Орос

• Нүүр цэвэрлэх утлага. 1 литр усанд 2 хоолны халбага алтан товч цэцэг хийж буцалгаад ууранд нь 20 минут нүүрээ утна. Утаж дууссаны дараа бэлдсэн скрабаар нүүрээ цэвэрлэнэ. 
• Мөсөн арчилгаа. Нүүрний арьсны эд эсийг сэргээхээс гадна коллаген ялгаруулалтыг нэмэгдүүлнэ. Арьсны өнгө сэргэж залуу харагдуулна. Ялангуяа, өглөөгүүр мөсөөр нүүрээ арчаарай. 
• Овьёосны скраб. Цэвэрлэх, чийгшүүлэх болон арьс чангалах үйлчилгээ үзүүлнэ. 

Овьёосны скрабны жор: 

Блендерээр жижиглэсэн овьёос, зөгийн бал болон тос (кокос, олив, самрын эсвэл өөрийн арьсанд тохирох тос) овьёосны тал хэмжээтэй адил хэмжээгээр хийж зуурна. 

Овьёосны зуурмагаа нүүрэндээ жигд түрхэж 1 минут орчим иллэг хийнэ. Дараа нь усаар нүүрээ цэвэрлэж угаана.